PFM Board
Ad-hoc PFM Boards => The Country PFM Boards (in your own language if you like it) => Topic started by: Kartlos on July 22, 2010, 07:15:59 GMT
-
სახელმწიფო სექტორის ფინანსური მართვის სპეციალისტებო, რადგან ერთ-ერთი სამინისტროს MTEF -ის გაუმჯობესების პროექტი, რომელშიც ვმონაწილეობ დასრულების ეტაპზეა, გადავწყვიტე შემოგთავაზოთ თემა განსჯისათვის - საერთოდ შესაძლებელია საქართველოში პროგრამულ ბიუჯეტირებაზე გადასვლა?
მსჯელობის დაწყებამდე გთავაზობთ გაეცნოთ თანდართულ დოკუმენტს: MTEF პანაცეაა თუ სახიფათო გადახვევა?
ამ ნაშრომის ავტორის აზრით MTEF -ის სრულყოფილ სისტემას სამი ეტაპი უნდა გააჩნდეს:
-საშუალოვადიანი ფისკალური ჩარჩო (MTFF), რაც იგივეა რაც ძირითადი მონაცემების და მიმართულებების დოკუმენტი (BDD);
-საშუალოვადიანი საბიუჯეტო ჩარჩო (MTBF), რაც წააგავს BDD -ს მაგრამ მასში უფრო დეტალურადაა მოცემული სექტორული პრიორიტეტები და შეიძლება ითქვას საშუალოვადიანი სამოქმედო გეგმის განვრცობილ ვერსიას წარმოადგენს; და
-ხარჯების საშუალოვადიანი დაგეგმვის ჩარჩო (MTEF), რაც სრული პროგრამული ბიუჯეტირებაა.
გთხოვთ, გამოხატოთ თქვენი მოსაზრებები და ერთად ვიფიქროთ თუ რა ეტაპებს უნდა მოიცავდეს ხარჯების საშუალოვადიანი დაგეგმვის რეფორმა.
-
სამწუხაროდ ფონტი ვერ დავაყენე ქართულზე.
ჩემის აზრით საქართველო ნამდვილად მზადაა გადავიდეს პროგრამულ ბიუჯეტზე. საამისოდ უკვე ბევრი რამ გაკეთდა და ახლაც აქტიური მუშაობაა. ერთი რამ გვაკლია მხოლოდ: დიდი სურვილი და მონდომება, ოღონდ ყველა დონეზე და არა მხოლოდ ტექნიკური შემსრულებლების მხრიდან. საჭიროა კარგად გააზრებული გეგმა, თუ როგორ უნდა მივაღწიოთ სასურველ შედეგს ეტაპობრივად.
დანარჩენს მერე მოგწერთ, როცა გავეცნობი სტატიას.
-
საქართველოში განხორციელდა მნიშვნელოვანი ძალისხმევა MTEF -ის დასანერგად. დარჩა მხოლოდ მისი ძირითადი შემადგენელი ნაწილის- პროგრამების -შედგენის, ფუნქციონირების და კონტროლის საკითხების მოწესრიგება. საქართველოს სახელმწიფო სტრუქტურებს აქვთ გარკვეული გამოცდილება ამ თვალსაზრისით. ინდიკატურ გეგმაში შესატანი სახელმქწიფო პროგრამებისთვის შემოღებული იყო სპეციალური წესი, დამტკიცებული პრეზიდენტის ბრძანებულებით (1998 წლის 24 დეკემბერი, # 711). მიგვაჩნია, რომ საჭიროა შემუშავდეს MTEF-ში შესატანი პროგრამებისთვის ანალოგიური ნორმატული აქტი. რადგან თუ არ მოწესრიგდა ძირითადი შემადგენელი ნაწილი, ,,უჯრედი, ნორმალურად ვერ იფუნქციონირებს მთლიანი ორგანიზმი (სისტემა).
კეთილი სურვილებით,
ციალა ბენაშვილი
-
ძვირფასო liaskhliaskh,
ქართული ფონტის დაყენებისათვის უნდა შეხვიდეთ Control Panel-ში, აირჩიოთ Regional and Language Options, Language-ში დააკლიკოთ Details-ს და შემდეგ მისცეთ Add და შეარჩიოთ ქართული ენა. ქართული ენის დაყენების შემდეგ ეკრანის მარჯვენა ქვედა კუთხეში, სადაც სავარაუდოდ EN ეწერება, დააკლიკებთ და გადაიყვანთ Georgian-ზე.
პატივისცემით,
ქართლოსი